我終於完成了！

一年半的master課程，終於完成了！

一年半的時間轉眼飛逝。回想起當初由開始適應，壓力大到荷爾蒙失調；到咬緊牙根讀多四科；接著如入直路，越讀越輕鬆；直到尋日考最後一科，温書仲走去訓晏覺……………這種種，都印證了我整個讀書的生涯!

付出的，真的很多；收穫的，不會去計較。自問在整個學習的旅程中，已經學到很多東西。要感謝的人，也有很多很多……

多謝我的各方好友，唔介意喺我六親不認的情況下，一次又一次咁拒絕你們的約會。
多謝我的buddies，有並肩作戰嘅家豹、善解人意嘅黑熊、以及好似佢都有份讀埋一份嘅海龜！
多謝RW精神上的支持及昔日工作上的包容！
多謝Connie Ku 幫我補Account及愛心飯盒！
多謝賴老師幫我補Account同Econ，仲有好好味嘅minimalist cooking！
多謝呀Chau同小美補我攪吓啲powerpoint吖，excel 同 word 囉！

喺呢個場合，緊喺要多謝吓我啲屋企人啦！(雖然好似冇嘜關係)多謝你哋比自由度我。雖然媽媽成日都唔明女仔駛嘜讀咁多書，但媽媽你終有一日會明白的。阿媽呀阿媽，你以後都唔駛問我仲有幾耐讀完啦，我宜家正式話比你聽：「我已經讀完啦！」(不過唔擔保會唔會再讀落去架，hehe)

仲有仲有，多謝我啲同學仔！你哋個個都好叻呀！YEAH !!

兩個老公

小妹有位拍了幾年拖的穩定男友，男友對小妹很不錯，漫長日子裡面，都擦出了很多火花。突然有一天，小妹覺得好倦，因為要投入這段感情，實在花了很多精力；而且小妹覺得火花不再，天大地大，小妹想找尋她的Mr. Right。

輾轉之下，小妹碰上了Mr. Big。在眾人眼中，Mr. Big是理想的終身伴侶。他成熟、穩重，是細水長流兼穩陣型。但小妹嫌與Mr. Big太過平淡，完全沒有火花可言。朋友們都勸小妹擇偶當然要考慮現實及客觀條件，但小妹又不甘平淡，堅持尋找她心中的Mr. Right。小妹因為對每段感情都很是投入，現在面對著沒有感情的Mr. Big，感覺很是難受。

從來揾工如揾老公。完美主義的小妹，很抱歉在這兩個議提上，都需要激情。雙失的小妹，惟有憑著那股信念，繼續尋找那下落不明的兩位老公...........